Шаноўныя жыхары барысава і ваколіц! Хрыстос уваскрос!

Чарговы раз мы з цеплынёй прамаў­ляем гэтыя словы, віншуючы адзін аднаго з цудоўным вясновым святам Божага ўваскрасення. Для кожнага Вялікдзень мае адметнае значэнне: хтосьці з нецярплівасцю чакае яго, хтосьці ўвогуле не адчувае ў iм патрэбы. Але Хрыстос, які, як мы верым, перамог смерць і адкрыў нам шлях да збаўлення, зрабіў гэта для ўcix без выключэння людзей, незалежна ад рэлігійных поглядаў, нацыянальнасці ці нейкіх іншых прыкмет. Таму ў Вялікдзень нельга не адчуць тую асаблівую атмасферу, якая заклікае да еднасці i напаўняе сэрцы людзей дабрынёй, любоўю i невытлумачальнай радасцю.

Яшчэ мацней мы гэта адчуваем сёлета, калі ўсе хрысціяне святкуюць сваё галоўнае свята разам. Гэта цудоўная нагода для таго, каб успомніць, што адрозненні паміж канфесіямі сапраўды мізэрныя ў параўнанні з нашай агульнай каштоўнасцю — Богам, які дзеля людзей сышоў на зямлю, прыняў пакутніцкую смерць, уваскрос i паклі­каў да вечнага жыцця ўcix нас. Таму віншую вас, дарагія, са святам Хрыстовага ўваскрасення i жадаю ў гэты дзень, калі Бог асабліва шчодра спасылае сваю ласку, адкінуць непатрэбныя крыўды, клопаты, сумненні i адкрыць сэрца на Ягонае святло, каб дзяліцца iм з бліжнім.

Няхай у вашых душах разам з Хрыстом уваскрэсне непераможная любоў i супакой!